Fyri fyrstu ferð nakrantíð kann Sundabáturin vinna føroyameistaraheitið í Norðoyggjum.
Sundabáturin hevur vunnið allar róðrarnar uttan ein. Sundabáturin er 8 stig frammanfyri Smyril á 2. plássi. Tað merkir, at vinnur Sundabáturin í Klaksvík í dag, so er báturin føroyameistari, tí tá hevur hann ráð at fáa reytt kort á ólavsøku og alíkaval við vissu vinna føroyameistaraheitið.
Við tað at Norðoyastevnuróðurin í Klaksvík liggur so óvanliga seint í kappingini, so er tað fyrstu ferð, at Sundabáturin kann tryggja sær føroyameistaraheitið í Norðoyggjum. Sundabáturin hevur fýra ferðir frammanundan vunnið føroyameistaraheitið.
Tískil kunnu vit uttan iva vænta nógvar áskoðarar úr Norðdepli og Hvannasundi til róðurin í Klaksvík.
