Vit arbeiða øll sera hart fyri at fáa alt klárt, og hóast nógv er at gera, so er tað bæði stuttligt og spennandi, sigur Eirikur Jákupsson stjóri í KG við Norðlýsið
Nógvur aktivitetur er á Biskupstorgi 8 har nýggja hotellið í Klaksvík letur upp fyrsta dagin.
Vit fingu orðið á Eirikur Jákupsson, sum nýliga er settur stjóri fyri KG. Tað er ein sera spentur og eisini væl nøgdur stjóri vit hava á tráðnum.
– Tað er ein serlig kensla at síggja alt taka skap, og nú gleða vit okkum ótrúliga nógv til at lata dyrnar upp og bjóða gestum okkara vælkomnum á gátt, sigur Eirikur Jákupsson, stjóri í KG, tá Norðlýsið spurdi hann, hvussu arbeiðið gongur í teimum seinastu fyrireikingunum undan upplatingini mikudagin 1. juli.
