Team Klaksvík skal royna at halda góðu gongdina á heimavølli.
Team Klaksvík var nær við at fáa stig móti H71 í vikuskiftinum, men tapti 23-22. Nú kemur VÍF á vitjan, har talan fyrst og fremst er um dyst um 3. pláss í bestu mansdeildini.
Team Klaksvík liggur undan dystinum á 3. plássi við 12 stigum fyri 12 dystir. VÍF er á 5. plássi við 10 stigum fyri 10 dystir, so talan er um tvey lið, sum kappast um 3. pláss í løtuni. Munurin upp til 2. plássið tykist enn vera ov stórur, tí H71 á 2. plássi hevur 19 stig. Leygardagin spælir Team Klaksvík seinasta dyst í 2017, tá liðið vitjar hjá Kyndli. Dysturin í kvøld, mikukvøldið, í Klaksvíkar Badmintonhøll byrjar kl. 20.00.
