Vinnulívsráðið í Klaksvík hevði aðalfund í kvøld og eftir aðalfundin hevði Vinnulívsráðið heitt á Guðrið Højgaard, stjóra á Visit Faroe Islands at umrøða ferðavinnumøguleikar í Føroyum, Norðoyggjum og Klaksvík. 

 

Guðrið Højgaard greiddi frá hvussu tey á Visit Faroe Island høvdu brúkt fyrstu árini at økja um ferðavinnumarknaðin og nú raðfesta menningar- og produktpartin. Guðrið Højgaard heldur at Klaksvík eigur at satsa uppá ferðavinnnuna við sokallaðum Patriot-money, sum hon málbær seg. 

 

Um øll í Klaksvík ganga saman um ferðavinnuna, liggja nógv arbeiðspláss og harvið øktir inntøkumøguleikar fyri lokaløkið, beint frammanfyri tykkum, segði ein avgjørd Guðrið Højgaard.