Mikudagin 29. mai fingu 26 sveinar prógv á TSK í el- maskin- og timburfakinum. Tað, sum er so serligt hesaferð er, at tvær kvinnur fingu prógv í timburyrkinum. Nógv fólk komu til hátíðarløtuna, og Hanna Jensen, landsstýriskvinna í skúlamálum, helt røðu.
EL Frá vinstru Eyðtór á Dalbø Gregersen, Fuglafjørður, í læru hjá JT Electric, Árni Petersen, Klaksvík, í læru hjá El-Service, Jógvan Eli Fagraklett, Norðragøta, í læru hjá Elcon, Ingvar Hansen, Rituvík, í læru hjá Elcon, Jóhannes Skibenæs Nielsen, Skipanes, í læru hjá LM Electric, Ari Højgaard, Fuglafjørður, í læru hjá JT Electric, Meinhard Mikkelsen, Glyvrar, í læru hjá Elektrikarin, Dávur Syderbø, Húsar, í læru hjá RVtøkni og Símin í Norðnastovu, Mikladalur, eisini í læru hjá RVtøkni.
Timbur Jákup Højgaard, Runavík, í læru hjá Byggivirkinum KBH, Jegvan Øre, Syðrugøta, í læru hjá TN Bygging, Birgir Knudsen, Glyvrar, í læru hjá TN Bygging, Kristian Joensen, Glyvrar, í læru hjá Articon, Høgni Feilberg Pedersen, Skálafirði, í læru hjá Articon, Magnus Petersen, Skála, í læru hjá Articon, Hanna Ramussen, Søldafjørður, í læru hjá Búsetur, Linda Jacobsen, Klaksvík, í læru hjá Hanus Højgaard og Kristian Bjartalíð, Klaksvík, í læru hjá Kanjon.