Lýsing
Lýsing

Jarðhiti og flótt kelduvatn –  alternativ og grøn orkukelda!

SKRIVAÐ: Magnus Rasmussen, løgtingsmaður og valevni fyri Sambandsflokkin  |  08.08.2019 - 13:26 Politikkur Tíðindaskriv

-  Vit hava skyldu til at menna grønar orkuloysnir  -

Tá tosað verður um grønar orkukeldur í Føroyum, so verður fyrst og fremst hugsað um tær traditionellu vind- og vatnorkukeldurnar. Hetta er nokk so sjálvsagt, tí tað eru fyrst og fremst hesar báðar grønu orkukeldur, sum vit gera brúk av í Føroyum í dag. Men, aðrir orkumøguleikar eru sanniliga eisini, og her hevur Sambandsflokkurin júst fingið undirtøku í Løgtinginum fyri einum uppskoti til samtyktar, sum var orðað soleiðis:

Løgtingið heitir á landsstýrið um at fyrireika og leggja fyri Løgtingið uppskot til løgtingslóg, sum hevur sum endamáls at seta ferð á alternativa og grøna orku til upphiting av sethúsum við serligum denti á orkuloysnir við vanligum jarðhita og orkuloysnir, sum kunnu gagnnýta heita vatnið í føroysku undirgrundini.

Uppskotið var samtykt við 33 atkvøðum fyri og ongari ímóti.

 

Jarðfrøðiligar kanningar og skrásetingar

Jarðfeingið hevur gjørt nakað av jarðfrøðiligum kanningum og skrásetingum av flógvum keldum, men enn vantar nógv í, til komið er á mál við hesum. Tí er tað av alstórum týdningi og bráðneyðugt at seta nógv meiri ferð á hetta arbeiðið, soleiðis at finnast kann út av, hvørji øki hava besta hitan, bæði í sjálvari jørðini og eisini flógvasta vatnið.

Jarðhitin og flógva vatnið í undirgrundini eru náttúrugivnir møguleikar, sum uttan iva hava menningarmøguleikar til framtíðar upphiting av føroysku húsunum. Hesi kunnu gerast ein av loysnunum á orkutørvinum í framtíðini, saman við grønu elorkuni úr vindi og vatni, og verið við til at gjørt føroyska samfelagið minni bundið av olju til upphiting og samstundis minka útlátið av CO2 munandi.

 

Ferð má setast á og ætlan gerast

Mín niðurstøða er tí, at vit skjótast tilber játta Jarðfeingið nakað av peningi, soleiðis at ferð kann setast á jarðfrøðiligar kanningar og skrásetingar av flógvum keldum í Føroyum. Mær kunnugt, so er tað ikki tann stóra peningaupphæddin, sum skal til fyri at fáa hetta arbeiðið gjørt. Men, hetta kanningararbeiðið og skrásetingararbeiðið má gerast, áðrenn farast kann víðari við eini ætlan, hvussu vit á besta hátt fáa gagnnýtt hesa grønu orku.

Vit kunnu ikki síggja burtur frá hesum spennandi, náttúrugivna og grøna orkumøguleikanum, sum vit eiga beint undir okkum. Vit mugu seta ferð á hetta, og tað hava vit eisini skyldu til.

 

Magnus Rasmussen, løgtingsmaður og valevni fyri Sambandsflokkin

 

 

 

 

Lýsing
Seinastu tíðindini
Sjálvstýri savnaði enn einaferð eini 600…
Valfundur á Fossanesi í kvøld
§ 7c, stk. 1
KÍ fekk stigini í linligum dysti
Góð fótbóltslíkindi í dag
Lærlingar ongan landsskatt
Upptakt: EB/­Streymur-KÍ
Aftur á slóðina
Sjálvstýri: 600-700 fólk til familjutilt…
68%
Javnaðar­flokku­rin: Valkafé í Spania­stovu
Tað demensvinarliga samfelagið – ella hv…
Líðhamar roktúr í dag
Enn ein lítil fitt søga
Hendan lands­stýrissamgongan hevur gjørt…
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…