Nú er so ein útróðrarbátur afturat norðuri í Hvannasundi, tað er ANRU, sum mikudagin avreiddi 10.500 pund og í dag 10.000 pund. Tað eru teir báðir Janus Rein og Gundur Sørensen, ið eiga bátin. Janus Rein sigur, at teir hava keypt bátin saman og at Gundur Sørensen fer at dríva bátin í vetur. Gundur er farin í farloyvi úr norska felagnum har hann hevur arbeitt og ætlar at rógva út í vetur og at taka kappingina upp við hinar bátarnar. Anru avreiðir eins og Norðsøki og Kallanes til Sjógæti á eigi, blóðgaðan og ovkruvdan fisk.

Bragd

Fyri løtu síðani frættu vit frá Oddmari Niclasen, skipara á Bragd. Hann sigur, at Bragd hevur fiska 40.000 pund hesa vikuna. Týsdagin 14.500 pund, mikudagin 13.500 pund og í dag 12.000 pund. Í gjárkvøldi bleiv Bragd eitt sindur seinur avstað orsakað av tekniskum trupulleikum.