Lýsing
Lýsing

Áhugaverd kvøldskúlaundirvísing í egniskúri í Leirvík

SKRIVAÐ: Oliver Joensen  |  09.03.2020 - 13:40 Mentan Myndarøð Tíðindi Vinna

Undir kvøldskúlaskipanini, hava Gullak Gullaksen og Jákup Christiansen undirvíst ungdómar í Eystur Kommunu í at handfara trol.

Fríði B. Nielsen, ið er leiðari fyri kvøldskúlan í Eysturkommunu sigur, at kvøldskúlin har leggur stóran dent á undirvísing í handaligum lærugreinum, sum næmingar kunnu fáa gagn av um teir eitt nú vilja til skips.

Vit hava fingið Gullak Gullaksen at standa fyri undirvísingini her. Tað ber illa til at undirvísa í slíkum handaligum, tá nógvir næmingar eru, tí hevur Jákup Christiansen eisini verið knýttur at undirvísingini.

Kvøldskúlin hevur hildið til í bátasavninum, men har hevur verið so trongt, at neyðugt hevur verið at funnið onnur høli til trolbøtiundirvísingina, tí hava teir átta dreingirnir ið byrjaðu, verið undirvístir í egningaskúrinum hjá Gullaki og tað hevur rigga sera væl, tí har er umhvørvi, ið er tætt knýtt at júst hesum handverkinum.

Víðari sigur Fríði B. Nielsen, at kvøldskúlin ætlar at halda áfram við hesi undirvísing, tí skeiðið gevur ungdóminum ein betur møguleika at sleppa til skips. Tað fyrsta ungliggar verða spurdir um, tá teir biðja sær kjans við trolbátum ella trolarum, er um teir duga at bøta og tað duga hesir, sum hava verið ígjøgnum hetta skeiðið, Sigur Fríði B. Nielsen at enda.

Vit spurdu eisini Gullak Gullaksen um hvørja frálæru dreingirnir hava fingið. Hetta hevur verið eitt sera spennandi skeið, sigur Gullak. Dreingirnir hava lært nógv ymiskt, sum krevst av manningunum við skipum, sum veiða við troli. Eitt nú er undirvíst í bøting, at skera burturúr, seta stykki upp í, leysa, bensla, gera kvartar, spleysa, bæði vanligt og 12 táttað, flætta og tílíkt.

Allir sjey dreingirnir, ið fullførdu skeiðið dugdu at bøta slætt net.

Vit hava undirvíst tvey kvøld á 2 tímar um vikuna í umleið hálvan fimta mánaða. Fyri mær hevur tað verið ein frægd at síggja hvussu næmir dreingirnir hava verið. Tann eini hevur verið við Artic Viking og har løgdu teir til merkis hvussu væl drongurin dugdi at handfara trolið tá tað kom til bøting. - Drongurin er framvegis við Artic Viking, sigur Gullak Gullaksen at enda.

Tá Norðlýsið var í egningarskúrinum vóru bert tríggir dreingir til staðar, teir vóru Kolbein, Heri og Djóni. Hinir, ið eisini hava gingið til skeiðið vóru Christian, Tummas Johan, Andrias og Høgni.

Lýsing
Seinastu tíðindini
Meðan vit bíða eftir Janus
Veðrið á páskum
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…