Lýsing
Lýsing

Fuglafjørður ger íløgur fyri 37,4 mió. kr

SKRIVAÐ: Fuglafjarðar kommuna  |  28.11.2020 - 10:34 Politikkur Tíðindaskriv

Fíggjarætlanin hjá Fuglafjarðar kommunu fyri 2021 er samtykt

Fuglafjarðar býráð samtykti á fundi í gjárkvøldið í Bønhúsinum á Hellunum fíggjarætlanina fyri 2021, sum javnvigar við 148.9 mió. kr. í mun til 185.6 mió. kr. undanfarna ár. Miðalvøksturin í rakstrinum er umleið 5% í mun til fíggjarætlanina 2020.

Skattaprosentið lækkar 0,25, niður á 21,25 og barnafrádrátturin er 7.500 kr. fyri hvørt barni.

Inntøkurnar komandi ár eru samanlagt mettar til 96,7 mió. kr., harav eru inntøkurnar av A og B skatti 66,7 mió. kr., ið er umleið tað sama sum nettoraksturin. Partafelagsskatturin er mettur til 14. mió. kr., og inntøkurnar frá landinum til eldraøkið eru mettar til 16. mió. kr. Rakstrarkostnaðurin av eldraøkinum er fyri Fuglafjarðar kommunu hækkaður umleið 1,5 mió. kr. í mun til í fjør.

Avlopið í rakstrinum er sostatt 30 mió. kr.

Nettoíløgurnar eru mettar til umleið 37,4 mió. kr., har liðugtgerðin av barnaskúlanum, ítróttarhúsinum, Vesturstovu og fyrireiking av íbúðarbygging hevur høga raðfesting. Harumframt er peningur settur av til at dagføra 64-skúlan við atliti at framhaldsdeildini; ein íløga, sum verður gjørd saman við Eysturkommunu í skúlasamstarvinum Framvit.

Fíggingin av rakstri og íløgum er av einum mettum skattagrundarlagi á 96,7 mió. kr. og av innistandandi á 15,8 mió. kr. Ætlanin er ikki at økja um skuldina við at taka upp lán, men at klára rakstur og íløgur uttan lántøku í mun til fyriliggjandi inntøkumetingar.    

 

 

Lýsing
Seinastu tíðindini
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Requiem skírisdag í Varpinum
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald