Veðrið hesa vikuna
Lágtrýstini eru farin at ganga eitt sindur longur norði, enn tey hava higartil í mai-mánað. Nú fara vit at merkja ta heitu luftin fara norðureftir. Men ikki fyrr enn seinnapartin av vikuni.
Hesa vikuna fer ættin spakuliga at flyta seg úr landnyrðingi-norði og niður í sunnan, meðan hitin fer at krúpa seg uppeftir. Ikki nógvur vindur í vikuni – fer ikki upp um 10 m/s. Fyri tað mesta turt, tó onkrar løtur við regni.
Veðrið hesa vikuna – dag fyri dag:
Týsdagin: Landnyrðingur-norðan, 5 – 10 m/s. Okkurt ælið á morgni, men annars turt restina av degnum. Skýggjað og sólglottar. Hitin fer at liggja um 6 – 7 stig.
Mikudagin: Landnyrðingur, 5 – 10 m/s. Turt. Skýggjað og sólglottar. Hitin fer at liggja um 6 – 7 stig.
Hósdagin: Landnyrðingur-eystan, 2 – 5 m/s. Turt. Skýggjað og sólglottar. Hitin fer at liggja um 7 – 8 stig.
Fríggjadagin: Landsynningur-eystan, 5 – 10 m/s. Turt. Skýggjað og sólglottar. Hitin fer at liggja um 7 – 8 stig.
Leygardagin: Sunnan, 3 – 8 m/s. Fyri tað mesta turt. Skýggjað og sólglottar. Hitin fer at liggja um 8 – 9 stig.
Sunnudagin: Sunnan, 5 – 10 m/s. Fyri tað mesta turt. Skýggjað. Hitin fer at liggja um 9 – 10 stig.
Veðurvánirnar fyri alla næstu viku eru, at ættin fer at liggja um sunnan, fyri tað mesta turt, tó onkur løta við regni. Men enn eru 6 dagar til ta tíð, so vit lata tað liggja….
="true" fbnewsgroupEase Template Warning: template variable "newsgroup" not found in "newsgroup.id"
="true" >