Lýsing
Lýsing
Psoriasis- og giktasjúklingar hava higartil kunnað fingið klimaviðgerð í Kroatia. Tað tilboðið er nú burturi. | Mynd: Tilvildarlig mynd úr Kroatia.

Giktasjúklingar: Sein kunning og slept uppá fjall

SKRIVAÐ: Jóhann Lützen  |  22.06.2022 - 21:42 Lesarabrøv Tíðindi

Fleiri gikta- og psoriasissjúklingar hava vent sær til Norðlýsið, tí tey vita ikki síni livandi ráð. Í mong ár hevur tað verið ein tænasta frá tí almenna, at umleið 20 sjúklingar sleppa av landinum at leita sær heilsubót fyri gikt og psoriasis. Heilsubótin er higartil fingin til vega í Kroatia, har tey veita viðgerð fyri sjúkurnar báðar. Men í ár er proppur settur í, og ongin sjúklingur sleppur avstað longur.

Orsøkin er, siga hesir sjúklingarnir við blaðið, at ein lutfalsliga nýggjur lívfrøðiligur (biologiskur, sum sjúklingarnir orða tað) heilivágur er komin á marknaðin. Undir vanligum umstøðum hevði hetta verið góð tíðindi, men tað hevur víst seg, at fleiri av gikta- og psoriasissjúklingunum ikki tola heilivágin.

Víðari siga sjúklingarnir, at tey av teimum, ið líða av psoriasis, hava fingið at vita í brævi í góðari tíð, at soleiðis er støðan, og teir hava tískil havt møguleika fyri at leita sær aðrar útvegir, til dømis at fara til Kroatia fyri egna rokning. Men giktasjúklingarnir hava onki fingið at vita. Teir lósu um hetta á eini heimasíðu fáar dagar áðrenn, at teir skuldu avstað, og hetta eru giktasjúklingarnir sum vera man sterkt misnøgdir við.

Sjúklingarnir siga við Norðlýsið, at teir eru fáir í tali, og tí snýr tað seg ikki um stórar upphæddir, men eisini er seina fráboðanin komin dátt við. Teir enda við at siga, at teir føla seg sleptar upp á fjall.

Lýsing
Seinastu tíðindini
Veðrið á páskum
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin