At lata norskar havnir aftur fyri russiskum fiskiskipum hevði gjørt størri skaða enn gagn, sigur fyrrverandi aðalstjórin fyri fiskivinnu í Noregi
So leingi Noreg og EU handla við matvørum við Russland, heldur Johan Williams, at tað onga meining gevur við einum havnarstongsli fyri fiskiskip. Eitt fullkomið bann fyri at lata russiskar fiskitrolarar landa í Noregi hevur verið eitt drúgt politiskt kjakevni í summar, og fyrrverandi aðalstjórin heldur, at tað hevði skatt Noreg meira enn hvat tað hevði gagnað.
Liberalu politikararnir í Noregi hava verið nógv úti um seg í málinum, og teir ákæra stjórnina fyri at hjálpa til við at fylla peningamappurnar hjá oligarkunum og at fóðra krígsmaskinuni hjá Putin. Men Johan Williams sigur við Fiskeribladet, at “hetta eru áskoðanir uttan kunnleika”.
Fyrst og fremst hevði talan bara verið um ein dropa í havinum, sigur hann. Tøl frá Råfisklaget í Noregisiga, t russiskir trolarar gamaní hava landað yvir 90.000 tons við einum virði upp á 1,58 milliard norskar krónur higartil í har, hóast tað hevur verið kríggj í Ukraina, men sambært Johan Williams er tað bert ein evarska lítil partur av teimum pengunum, ið fara aftur til Russlands.
“Um avkastið fór til at fíggja kríggið, hevði tað í mesta lagi verið talan um 500 milliónir norskar krónur, og tað er ein dropi í havinum, um ein hugsar um, hvussu stórar inntøkur Russland til samanberingar fær frá útflutninginum av gulli, olju og gassi. Gull einsamalt hevði eitt útflutningvirði áljóðandi 150 milliardir NOK”, leggur Johan Williams afturat.
Spurdurum hvørjar negativar avleiðingar tað fer at hava fyri Russland, um teir ikki longur sleppa at landa fisk í Noregi, svarar Williams: “Sera fáar. Tað hevði gjørt størri skaða fyri Noreg sjálvt.”
Tvørturímóti metir fyrrverandi aðalstjórin, at ein stongsil hevði styrkt um støðuna hjá Russlandi, hvat viðvíkir tí at hava nokk í sær sjálvum. Um Noreg stongir sínar havnir, verður fiskurin annaðhvørt bara umskipaður millum skip á havinum og sigldur til Rotterdam, ella eisini verður hann landaður í Murmansk.
At nokta russiskum landinum í Noregi hevði ikki verið brot á fiskiveiðuavtaluna millum tey bæði londini, men tað hevði verið eitt brot á galdandi praksis og kundi tá havt stórar avleiðingar. Higartil hevur landingarbann einans verið lýst í støðum, har talan hevur verið um ósemjur um umsitingina av fiskatilfeinginum, sigur Johan Williams, og sipar til makrel-avbjóðingarnar.
- "Um vit settu eitt landingarbann í verk í eini støðu, har vit í roynd og very eru samd um umsitingina, so høvdu vit brotið galdandi praksis, og tað hevði ikki verið tikið væl upp av russum. Harumframt kann tað føra til ovurfisking í Barentshavinum”, sigur Williams.
- Hygg bara at pelagiska fiskatilfeinginum. Har verður tað áhaldandi ovurfiskað, tí vit ikki hava avtalur um umsitingina av fiskinum. Eg vænti, at tað sama hevði hent í Barentshavinum”, sigur hann at enda við Intrafish.
Kelda: Intrafish (leinki til grein)