Lýsing
Lýsing
Lýsing

Trillbøran hjá Rosenmeyer varð uppkallað eftir Jógvan Sundstein

SKRIVAÐ: Jákup Andreasen  |  04.07.2023 - 10:34 Lesarabrøv Mentan

 

 

Tíðliga í 1990unum medvirkaði Rosenmeyer Wolles, morbróðir á Trøllanesi í eini sjónvarpssending hjá Tróndi Djurhuus, sum hann partvíst sjálvur legði tilrættis, og sum partvíst gekk fyri seg í sjónvarpsstovuni í Havn. Á myndini sita Tróndur Djurhuus, Rosenmeyer og Alexandur Samuelsen, sum sang nakrar sangir í sendingini saman við dupultkvartettini í Ebenezer.

Rosenmeyer dugdi mangt og hvat, og hann kundi bæði verða álvarssamur og skemtingarsamur. Í sendingini fortelur hann ymiskt frá sínum gerandisdegi, og millum annað, at hann átti eina trillibøru, sum hann hevði navngivið "Sundstein". Hetta var stutt eftir, at fíggjarkreppan hevði tikið seg upp, og tá mæltu politikkararnir øllum at verða sparin.

Tá átti hann eina trillibøru norðuri á Nesi, har annað beinið var so illa rustað, at tað var dottið av. Tí hevði hann tikið eina fjøl, sum kom ístaðin fyri brotna beinið og eina aðra fjøl, sum hann brúkti sum skrástívara. Hetta var hansara íkast til sparingarnar, og hesum flentu tey eftir, sum sótu og lurtaðu í sjónvarpsstovuni .

Rosemeyer livdi ikki nógv ár eftir sendingina. Hann doyði tann 14. apríl 1996, meðan hann arbeiddi á Trøllanesi, 66 ára gamal. Ása M. Justinussen lænti mær myndina.

Lýsing
Seinastu tíðindini
Tíðin er búgvin: Røtt stig fyri eitt ste…
STEINWAY-KONSERT Í KLAKSVÍK
SOS brúðarkjóli!
Venjaraeffektir­nar eru sjónligar
Dávur: Norð­oyastevnuskráin er rúgvusmiki…
Nýtt og gott gamalt á Norð­oyastevnu
Er partur av Stýrisskipanar­lóg­ini farin…
Gongutúrur niðan á Klakk á Borðoynni
Hjalgrím vitjar Norðlýsið
John, Tommy og Abbas
Málverju- og fótbólts­skúli í Gundadali v…
Qigong í Klaksvík við Krabbameins­felagnu…
Nýggj trio við Leu, Elinborg og Katrín ú…
Fær takkarløn fyri óteljandi tímar av sj…
Nú verður skjótari at fáa pakkan heim
Myndarøð: KÍ - AB
KÍ vann seg næstan í finaluna um løgmans…
Kappingarførið má aftur á dagsskránna
Ársins Ódnartak 2025
2024 gjørdist enn eitt gott ár hjá Arbei…