Fundurin verður hildin sambært viðtøkum ráðsins.

Eftir aðalfundin verður fyrilestur við kenda tíðindamanninum og frásøgumanninum, Anders Lund Madsen, sum dugir at gera fløkjaslig og álvarsom evni atkomilig, skemtilig og tankavekjandi við sínum beinrakna og óvæntaða sjónarhátti.

Hetta verður ein øðrvísi uppliving, har álvari og gaman ganga hond í hond.

Um fyrilesturin:

Hetta kann ikki miseydnast

Í eini tíð, har nógv kennist óvist, og fólk leita eftir svari uppá, hvar tey skulu venda sær, og hvørjum, tey skulu stríðast ímóti, kemur tað væl við, at onkur av og á hevur eitt svar, sum ikki er trupult at skilja.

Anders Lund Madsen er tíðindamaður, menniskjakennari og hevur ídnan áhuga fyri laksi, jomfrúhummarum og sardinum. Hann hevur heili trý einføld – men serstakliga greið – svar, sum hann í hesum fyrilestri lutar við áhoyrararnar.

Við ráum, beinraknum og ramsøltum orðalagi kemur hann við síni uppskrift upp á eitt lætt og ómakaleyst lív – uttan ótta fyri nøkrum.

Fyrilesturin varir á leið ein tíma.