Sum nakað nýtt, so kemur skráin ikki í blaðið hjá Norðlýsinum, men er einans at finna á netinum. Hetta tí, at tað er nemmari at hava alla kunning á einum staði, og at venja brúkararnar til at vitja heimasíðuna, sum hevur alla kunning, og har tilmeldingin eisini fer fram. Kvøldskúlin samstarvar tó við Norðlýsði umvegis heimasíðuna og fer at varpa ljós á nøkur av nýggjuskeiðunum

Kvøldskúlin hevði sera góða undirtøka seinasta ár og fekk eisini góð skoðsmál í brúkarakanning hjá Klaksvíkar kommunu, og tað fegnast Erik Biskopstø, leiðarin, um. - Vit royna at menna tey góðu tilboðini og at blanda onkur nýggj upp í, sigur Erik Biskopstø.

Aftur í ár eru fleiri nýggj skeið í skránni. M.a. eru trý nýggj stutt dagsskeið at læra at gera bomm og enska konfekt frá grundini av. Tað skeiðið er ætlað tveimum ættarliðum. Tað kann bæði vera foreldur og barn ella omma/abbi og barnabarn.

Eisini er eitt nýtt tilboð fyri fólk við menningartarni, sum nevnist “Virkisløtur”, sum er ein samanrenning av rørslu, kreativum ítrivi og sosialari samveru.

Meir kunning um skránna og tilmelding á www.kks.fo