Í nátt fer vindurin at minka, so fyrrapartin í morgin eru 3 til 8 m/s av útsynningi. Samregnið er tá hildið uppat, tað er fyri tað mesta turt, tó er okkurt ælið í støðum. Seinnapartin í morgin minkar vindurin enn eitt vet, niður í 5 til 10 m/s, enn smáskýggjað og ælaveður. Í annaðkvøld er bert eitt lítið lot og okkurt ælið. Hitin í morgin fer at liggja um 4 til 9 stig.

Sunnunáttina fer hann at mala úr ymsum ættum, minni enn 5 m/s, meðan tað er smáskýggjað og ælaveður. Fram ímóti middegi er aftur útsynningur, 8 til 13 m/s, samdrigið og ælaveður, og soleiðis er veðrið væntandi restina av degnum. Hitin sunnudagin 5 til 10 stig.  

Gott vikuskifti.