Tað var í síðstu viku, at tað kom fram í danska miðlinum BT, at samband hevði verið millum KÍ-venjaran, Magna Hoseth, og Superligafelagið Lyngby. Týsdagin bleiv tað meira konkret, tá bold.dk skrivaði, at Magne var kropsliga til staðar í Lyngby og tosaði við felagið.

Nú er tað komið hartil, at tað stendur Magna Hoseth í boði at gerast venjari hjá Lyngby, men treytin er tann, at KÍ og Lyngby gerast samd um ein prís. Tað er har, sum bólturin nú liggur. Um feløgini semjast so verður Magne Hoseth nýggjur venjari hjá Lyngby.