Í Smæruni verða onkrir fyrilestrar við kaffi afturvið, Í Christianskirkjuni plagar at vera ymisk tiltøk, og á bókasavninum verður eisini ymiskt áhugavert.

Torratingið í Varpinum

Tað altíð so áhugaverda Torratingið hevur nógv at bjóða í ár, tí her er so nógv at taka fatur í. Eisini er Trump´urin farin at gera um seg á okkara leiðum - mikukvøldið 19. februar kl. 19.00.

Eisini verða fyrilestrar, framløgur, konsertir og torrating. Arbeitt verður við møguliga at endurskapa eitt hugnaligt Flemmish Kap-kvøld við søgum, reypi og sangi.

Torramatur

Á Café Gloria plagar at spíla seg út við stóru fiskabufféini mikudagin, sjavskvøldi, sangløtu og hugnakvøldi. Amarant, Angus og hinar matstovurnar hava ymiskt spennandi á borðseðlinum í Torravikuni.

Sama ger Kaffé Fríða, har tað eisini verður Sjómans Quiz.

Tekniski skúli plagar lata dyrnar upp, har næmingar á Matvørudeildini hjá TSK bjóða eitt størri Torra sjálvtøkuborð. Høvuðsdenturin er rávørur úr sjónum m.a. royktur laksur, heimagjørd marinera sild, saltfiskur, roykt rogn og ymiskt annað.  

Fleiri við

Norðoya Bátafelag, sum heldur til í gamla roykivirkinum á Faktorsveg 6 skipar m.a. fyri sjavs-hugnakvøldi í felagshølunum. Leygarmorgunin bjóðar Norðoya Bátafelag til morgunmat og reyp.

Eisini er Torrakaféina í Betesda á skrá. Í Spinnarínum verða framløgur og framsýningar um ull og virksemið har. Prát plagar at vera um veðrið. Norðoya Fornminnasavn og Gamla Seglhúsð plaga at vera við á skránni við framsýningum.

Torrarenning og Heilsukafé

Treysti skipar fyri Torrarenning á rennubreytini á Másheygi, har øll kunnu vera við – yngri sum eldri.

Tað verður gingið ella runnið í ein ½ tíma á vøllinum við sakkønum hjálparfólki, og síðani verður farið inn í Tekniska skúla at fáa okkurt svalandi, har tú kanst fáa mált blóðtrýst og annað.

Café Fríða, Amarant, Angus og hinar matstovurnar hava ymiskt spennandi á borðseðlinum í Torravikuni.

Torri

Um Torra er skrivað, at “Torri er mánaðurin frá tendring síðst í januar til næstu tendring. Hesa tíðina kemur hýsa og toskur inn á grunnin at gýta, og er hesin mánaðurin serliga góð fiskitíð. Mánaðin eftir torra, góa, og einmáðaða snúði tað seg um gróðurin á landi; tá fór at vára. Men um torramánaðin hevur verið sagt, at menn fóru til prest at spyrja, um ikki føstugudstænastan kundi flytast frá vanligari kirkjutíð til um kvøldið, tí teir so fegnir vildu sleppa til útróðrar hesa ársins tíð. Prestur eftirlíkaði, og føstugudstænastan øskudag varð løgd um kvøldið.” 

Sagt verður eisini: Ravnur troðar í Torra, verpur í Góa - klekir í Einmánaða.

Freistin at seta tiltøk - heiti, staðseting, klokku, greinastubba og mynd, á skránna er: fríggjadagin 7. februar kl. 12.00.

Her er leinkja til Tiltøk á skrá

Vælkomin á Torradager í Klaksvík 17. - 22. februar!