Flestu fótbóltskúlarnir kring landið hava ligið í summarferiuni, men í ár ynskir FC Suðuroy at byrja fótbóltsárið við einum fótbóltsskúla mánadagin 30. og týsdagin 31. mars.

Marghøllin og vøllurin á Vágseiði verða í ár karmar um fótbóltsskúlan og koma venjarar úr FC Suðuroy og eisini nakrir úr øðrum feløgum at standa fyri venjingunum. 

Umframt fótbóltsvenjing, so eru eisini stuttlig spøl, matur, hugnaligur felagsskapur og svimjing á skránni hesar dagarnar í Vági.

Tilmeldingin til fótbóltsskúlan byrjaði í vikuni og longu nú hava nógv melda til og spennandi verður um hesin fótbóltsskúlin verður enn størri enn í fjør.
Aldursmarkið er at ein skal vera fyltur 8ár í ár og upp til 15ár og er fyri øll, óansæð úr hvørjum felag ella hvørjum menningarstigi ein er á. 

Seinasti partur av fótbóltsskúlanum verður skipaður sum dystarseinnapartur við nógvum blandaðum liðum og tá ið skúlin endar fáa allir luttakararnir eisini hvør sín fótbólt og t-shirt. 

Vælkomin til nakrar spennandi fótbóltsdagar í Vági í páskaferiuni.

Leinkjan til tilmelding sæst her: https://www.atgongumerki.fo/3587140/fotboltsskulin-i-vagi