Seinasti dagurin í Torravikuni er í dag og fólk hava møguleikan at uppliva áhugaverdu tiltøkini, sum eru á skránni.
Kl. 11.00: Christianskirkjan
Torraguðstænasta við altargongd
Hanus á Gørðum, sóknarprestur prædikar og Daisy Lolk Johannesen syngur.
Kl. 14 – 18: Opið ateliér hjá Edwardi Fuglø, Jústabrekka 2
Edward Fuglø, listamaður letur dyrnar upp í atelieri sínum, har hann sýnir fram listaverk og bøkur, hann hevur skrivað og listprýtt.
Kl. 14 – 18: Listaframsýning í Gamla seglhúsi
Gamla seglhúsið er karmur um søluframsýning við 36 verkum hjá Bárði Jákupssyni.
Tað er ókeypis at vitja framsýningina.
Kl. 16: Filmurin “Línumenn” í Atlantis
Søgan um okkara stál- saltlínuskip á fjarleiðum. Zacharias Hammer hevur gjørt nýggja filmin “Línumenn”, sum er góðar tveir timar langur. Í filminum fortelja fleiri menn um, tá teir sum 14 til 17 ára gamlir fóru við teimum nýggju línuskipunum, sum avloystu sluppirnar.
Kostnaður kr. 100,-
