Í gjár skrivaðu vit, at tað neyvan nakrantíð hava róð tvey 10-mannafør frá Klaksvík á eini stevnu fyrr.
Hetta vísir seg partvís ikki at verða rætt, men í FM-róðri er tað rætt. FM-róðrarnir verða vanliga skrásettir aftur til 1973.
Í 1970 róðu tvey 10-mannafør úr Klaksvík, sum ein lesari hevur gjørt okkum varugar. Hetta var á norðoyastevnu. Hetta var fyrsti róðurin hjá tí tá nýggja Klaksvíkingi, sum eisini vann róðurin. Klaksvíkingur vann tveir róðrar afturat sama ár. Við gamla Klaksvíkingi róðu sum skilst næmingar á Klaksvíkar Sjómansskúla, og teir róðu bara hendan eina róðurin tað árið.
Úrslitið hjá 10-mannaførum á norðoyastevnu í 1970 gjørdist:
1. Klaksvíkingur
2. Skálabáturin
3. Vágbingur
4. Norðingur
5. Suðringur
6. Eystringur
7. Klaksvíkingur (gamli)
8. Havnabáturin
9. Tívil
Manningin á Klaksvíkingi á norðoyastevnu var hendan sambært KRF: Torleif Sigurðsson, Svenning Eysturdal, Jákup Sørensen, Petur H. Poulsen, Hanus Hansen, Ólavur Johannesen, Kjartan Thomasen, Einar Thomasen, John P. Danielsen, Martin Jacobsen, Karl J. Petersen
Kelda: Norðlýsið (Tíðarrit)
