Fyrr í ár samtykti býráðið í Eysturkommunu at seta á stovn eitt Ungdómsráð umboðandi ung frá 6. til 10 flokk. Umframt hesi, situr borgarstjórin og eitt umboð úr umsitingini í ráðnum.
Reglugerðin fyri ráðið sigur, at mist tveir fundir skulu verða hildnir árliga. Fyrsti fundurin hjá fyrsta Ungdómsráðnum varð hildin í býráðssalinum hjá Eysturkommunu mikudagin 27. oktober, so sigast kann, at hetta var ein søguligur dagur.
Hugaligt var at hoyra, hvørjar tankar og meiningar tey ungu høvdu um viðurskifti í Eysturkommunu, sum eru viðkomandi fyri tey ungu. Fleiri viðurskifti vórðu til umrøðu og tað var eitt gott og gevandi kjak, sum borgarstjórin kundi taka við sær til víðari umrøðu og viðgerð í politisku skipanini.
Í Eysturkommunu ungdómsráð sita:
Umboð fyri 6. flokk: Ári Hansen
Umboð fyri 7. flokk: Dagur Tórheðinsson
Umboð fyri 8. flokk: Andrea Akselsdóttir
Umboð fyri 9. flokk: Birna Pálsdóttir Isholm
Umboð fyri 10. flokk: Hallur Foldbo
Umboð fyri Eysturkommunu eru: Per Martin Gregersen, borgarstjóri og Ove Heinesen, skrivari
Næsti fundur hjá ungdómsráðnum er ásettur at verða í januar mánaði komandi ár.
