Í kvøld byrjar kappingin um løgmanssteypið.
Verandi steypavinnarar skulu royna at gera tað, sum KÍ bara einaferð í søgu felagsins hevur megnað áður. At endurvinna steypakappingina, sum KÍ gjørdi einastu ferð í 1967.
KÍ er stórfavorittur á heimavølli móti ÍF, sum spælir í næstbestu deildini. ÍF liggur á 5. plássi fyri fimm dystir við sjey stigum og málmuninum 11-16.
Hjá KÍ eru René S. Joensen og Patrik Johannesen skaddir, men teir flestu av hinum, ið plaga at spæla, eru tøkir. Mánakvøldið hevur KÍ torføran útidyst móti AB í landskappingini, so hetta er ein góður møguleiki at brúka hópin.
Dysturin í kvøld byrjar kl. 18.30. Dómari verður Heini Z. R. Viðoy
