Norðlýsið skipaði fyri ókeypis barnatiltaki í Badmintonhøllini í dag, og sigast má at tað var sera væl eydnað og vitjað.
Fleiri hundrað børn og vaksin hugnaðu sær gjøgnum allan dagin. Meðan børnini hoppaðu í hoppiborgum ella á annan hátt spældu á gólvinum, sóðust nógv vaksin njóta ein kaffimunn og eitt gott prát í café´ini, sum var væl skipað av Mimmy og Café Fríðu.
Á pallinum fingu børnini – og tey vaksnu – framúr undirhald frá Bubu og “Rógva og Drekin”.
Børnini livdu seg veruliga inn í søgurnar, sangirnar og ikki minst stuttligu framførslurnar hjá bæði Rógva og Bubu.
Vit á Norðlýsinum eru ómetaliga glað fyri dagin, og takka øllum, ið vitjaðu, og øllum teimum góðu stuðlunum, sum gera slíkt tiltak møguligt.
Stuðlað tiltakinum hava:
EFHO
NORÐHÚS
KANJON
JFK
LÍV
NORÐOYA SPARIKASSI
BETRI
