Kjakið varð heitt ígjár á fiskivinnutinginum í Miðhøllini á Skúlatrøð. Fyriskipararnir høvdu sett tveir tímar av, men fólkið vildi hava meir og fundurin fór væl út um avsettu tíðina. At enda savnaðust fólk um Tjóðsangin.
Karl Birgir Isaksen bjóðaði vælkomin á fiskivinnuting og gav stafettna til Jón Brian Hvidtfeldt, orðstýrara. Fundurin byrjaði við at minnast Heina O. Heinesen, sum andaðist í vikuni.
Fyrstu tveir tímarnar kjakaðust politikararnir við orðstýraran og prikaðu hvønnannan. Kjakið bar týðuligt brá av valdysti. Tað varð bæði klappa og buh’a. Tá fólk í salinum sluppu at seta spurningar kom meira lív í kjakið.
