Mikukvøldið 26. september vera tríggjar forkunnugar framløgur á Tekniska skúla í Klaksvik. Talan er um tiltak í røðini Vísindavøka á ferð.
Sanne Storm, granskari á Landssjúkrahúsinum fer at hava framløgu við heitinum: Røddin í miðdeplinum og átaksøki í mun til perinatalan ótta og tunglyndi
Tróndur Kragesteen, ph.d.-lesandi á Fiskaaling, fer at greiða frá um skynsamasta lúsamark fyri alibrúk, sum hava samband hvørt við annað
Hans Harryson, námslektari á Fróðskaparsetrinum fer at fortelja um sína gransking av, nær ein læraraútbúgving er nóg góð – um tær fimm vágskálirnar
Umframt framløgurnar frá hesum granskarunum verður eisini stutt kunning um gransking í Føroyum, um hvat gransking er, hvør granskar, hvat verður granskað og hví. Eisini verður okkurt tilfar at síggja og tosa um í einum kaffisteðgi.
