Nevndin í Norðoya Tjóðveldisfelag er errin av at leggja fram okkara sterka valevnislista við skilagóðum og fjølbroyttum fólki, ið ynskja at verða við til at menna Klaksvíkar kommunu enn meir í komandi setu.
Vit í Klaksvíkar kommunu eru longu staðfest at vera tey fjølbroyttastu menniskjuni í landinum.
Tað eigur at síggjast aftur, tá býráðið ger raðfestingar. Tí meira vit fevna um ymiskleikan og geva fleiri borgarum, feløgum og fyritøkum møguleika at kenna seg aftur í býnum, betri verður okkara lokalsamfelag.
Og soleiðis tryggja vit, at tað eisini er ein framtíð fyri Klaksvíkar kommunu sum eitt av sterkastu økjunum í landinum.
Hetta er yvirskipaða málið hjá fjølbroytta listanum av kvinnum og monnum, sum stilla upp til kommunuvalið fyri Norðoya Tjóðveldisfelag.
Okkara uppstillaðu eru hesi – frá vinstru:
- Mildrid á Lógv, 54ár, sjúkrarøktarfrøðingur.
- David Im, 38 ár, Integratiònssamskipari hjá útlendingastovuni.
- Annika S. Biskopstø, 37 ár, lærari á miðnámi á Kambsdali.
- Annika M. Mellemgaard, 44 ár, lestrarvegleiðari á Glasi.
- Anfinn í Toft, 36 ár, tekniskur leiðari í Nes kommunu.
- Monica Ósá Henriksen, 31 ár, sjálvstøðug vinnurekandi.
Nevndin í Norðoya Tjóðveldisfelag
