Upptakt: KÍ-HB
Í kvøld verður antin verandi føroyameistari KÍ ella verandi steypavinnari HB sendur út í kappingini um løgmanssteypið, tá arvafíggindarnir bresta saman í Klaksvík.
Liðini hava spælt tvær ferðir móti hvørjum øðrum í ár og støðan er 2-0 til HB í dystum. Hjá KÍ fóru Deni Pavlovic og Mads Bo Mikkelsen skaddir av vøllinum seinast, og teir verða ikki tøkir í nakrar vikur. Umframt teir langtíðarskaddu, so er eisini ivamál um Jákup B. Andreasen, Cedric Yambere, Claes Kronberg og Patrick Da Silva. Helst verða onkrir av teimum við. Hjá HB eru eisini fleiri leikarar langtíðarskaddir og umframt teir, so manglaði HB seinasta dyst Ára M. Jónsson, Sammy Skytte og Emmanuel Duah, meðan Mohamed Samba fór skaddur av vøllinum í fyrra hálvleiki.
Dysturin í Klaksvík byrjar kl. 18.30. Dómari verður Kári á Høvdanum.