Tað eru nógvar summarlegur í Nesvík. Á hesi leguni eru tey á leið 200 í tali. 120 luttakarar og úti við 80 hjálparfólk. Óla Marner Christiansen er høvuðsleiðari. Í køkinum eru garvaðar konur, flestar úr Klaksvík.
Tað eru nógvar summarlegur í Nesvík. Á hesi leguni eru tey á leið 200 í tali. 120 luttakarar og úti við 80 hjálparfólk. Óla Marner Christiansen er høvuðsleiðari. Í køkinum eru garvaðar konur, flestar úr Klaksvík.
Kokkarnir í Nesvík eru sum vera mann blíðir, og so var tá ið Norðlýsið kom á vitjan. Ikki fingið munnin upp, so var kaka og kaffi at smakka. Og tær, sum kokkast eru eisini blíðar við børnini. Í kvøld fáa børnini heimagjørda pitsu.
Á myndini sæst, at tær eru stoltar av verkinum.
Børnini hava nógv at takast við á eini slíkari legu. Í ár sleppa børnini at planta trø beint við parkeringsplássið í Nesvík.
Umframt hetta serstaka átakið, er nógv annað at fáast við. Spælipláss, vøllur, hylur at rógva og svimja, syngja og ikki minst at sita og nýta ein góðan bíbliutíma snimma á morgni.
Og tað er ikki sørt at tað neistar í millum onkrar gentur og dreingir eisini á leguni. Á legumáli verður tað rópt: ‘at trola’. Dreingirnir trola. – Tað er eisini spennandi.
Legan, sum byrjaði mikudagin, endar sunnudagin.
