Haruveiða: Nú harutíðin er tvær vikur gomul, eru 2526 harur skotnar. Hesa seinastu vikuna hevur ikki nógv haruveiða verið á skránni orsakað av vánaligum líkindum.
Haruveiða: Nú harutíðin er tvær vikur gomul, eru 2526 harur skotnar. Hesa seinastu vikuna hevur ikki nógv haruveiða verið á skránni orsakað av vánaligum líkindum.
Hesa vikuna hava líkindini at skjóta haru ikki verið góð. Tað sæst aftur í hagtølunum. Farnu vikuna hava bert 49 harur latið lív. 11 túrar eru gjørdir til tess at fáa lívið av hesum 49 harunum.
Eyðfinn Magnussen, sum savnar saman hagtøl um haruveiðuna, hevur hugt eftir, hvussu tað er fordeilt higartil. Av teimum 2526 harunum, hava 37% latið lív á Streymoynni, 20% á Vágoynni, 13% á Eysturoynni og 8% á Viðoynni. – Tað er ikki upplýst, hvussu hini 22 prosentini eru fordeild.
Higartil í ár eru 165 harutúrar gjørdir.
