KÍ hevði ársaðalfund hóskvøldið, har næstformaður og skrivari í starvsnevndini stóðu fyri vali. Hvørki Karl Johansen næstformaður ella Heri Ellingsgaard skrivari stillaðu uppaftur.
Til nýggjan næstformann varð Karl Birgir Isaksen valdur. Hann avloysir Karl Johansen sum næstformaður í KÍ.
Nýggjur skrivari í starvsnevndini hjá KÍ er Nichels Lútzen, sum kemur ístaðin fyri Hera Ellingsgaard.
Ólavur Ó. Poulsen varð valdur til nýggjan eykalim í starvsnevndini ístaðin fyri Markus Tummas Jacobsen, sum frammanundan hevði tikið sæti í fótbóltsnevdini hjá KÍ.
