Vitjandi skip og bátar gjalda einki havnargjald á Føroya Sjómannadegi
Í samráð við Sjómannadagin hevur Klaksvíkar Havn avgjørt, at bátar og skip, ið vitja í Klaksvík í samband við Sjómannadagin, einki havnargjald skulu gjalda.
Av Klaksvíkar Havn frætta vit, at teir rokna við at nógv skip og nógvir bátar koma á vitja í Klaksvík í vikuskiftinum. Umstøðurnar eru sera góðar at taka ímóti teimum flótandi gestunum, siga teir av havnarskrivstovuni.
Klaksvíkar Havn bjóðar øllum at verða hjartaliga vælkomin til Klaksvíkar á Føroya Sjómannadegi.
