Talið av roykjandi føroyingum er enn í minking.
Síðan 2002 hevur gallup gjørt kanningar fyri Fyribyrgingarráðið, úrslitið fyri kanningina í 2006 fyriliggur nú, og vísir hon millum annað, at talið av teimum, ið roykja hvønn dag er fallið frá 37% í 2002, til 26% í 2006. Tó er ein ábending um, at kvinnur í dag roykja heldur meira enn menn.
Minni enn 30 % av fólki íðkar ítrótt 4 ella fleiri ferðir um vikuna, skipað ella óskipað. Her er talan um til dømis, morgunsvimjing, gongutúrar, renning ella yoga. Her er talan um eina minking í mun til í fjør
Hesi tøl og nógv onnur um okkara liviháttir eru at finna á heimasíðuna hjá fyribyrgingarráðnum: www.fyribyrg.fo
