Klaksvíkingur formaður fyri Kringvarp Føroya

Landsstýrismaðurin í mentamálum, Jógvan á Lakjuni, hevur tilnevnt stýrið fyri Kringvarp Føroya.

Landsstýrismaðurin í mentamálum, Jógvan á Lakjuni, hevur sambært nýggju kringvarpslógini, sum kom í gildi á nýggjárinum, tilnevnt stýrið fyri Kringvarp Føroya.



Tilnevnd í stýrið eru:



–    Símun Absalonsen, grannskoðari, Tórshavn, formaður



–    Kristina Samuelsen, løgfrøðingur, Tórshavn, næstformaður



–    Páll Isholm, cand. mag., Syðrugøta



–    Krista Hvannastein, námsfrøðingur, Haraldssund



–    Eyðun Joensen, sálarfrøðingur, Tórshavn



–    Mia Pedersen, sjúkrarøktarfrøðingur, Vestmanna



–    Dia Midjord, journalistur, Tórshavn







Stýrið er ovasta leiðslan á stovninum og hevur yvirskipaða ábyrgd av, at ásetingarnar í kringvarpslógini og aðrar fyriskipanir um virksemi stovnsins verða fylgdar.



Sambært kringvarpslógini verða fýra limir og fýra varalimir valdir eftir tilmæli frá politisku flokkunum, ein limur og ein varalimur verða valdir sum umboð fyri starvsfólkini í Kringvarpi Føroya, og landsstýrismaðurin í mentamálum tilnevnir tveir limir og tveir varalimir.



Eftir tilmæli frá flokkunum hevur landsstýrismaðurin valt Kristinu Samuelsen, Páll Isholm, Eyðun Joensen og Miu Pedersen. Dia Midjord er valdur sum umboð fyri starvsfólkini. Landsstýrismaðurin hevur sjálvur valt Símun Absalonsen og Kristu Hvannastein. Landsstýrismaðurin hevur sambært kringvarpslógini tilnevnt formann og næstformann fyri stýrið.



Varalimir eru:



–    Durita Djurholm, HD í roknskapi, Tórshavn, varalimur fyri Símun Absalonsen



–    Jógvan Fríðriksson, prestur, Gjaranes, varalimur fyri Kristinu Samuelsen



–    Sigurlaug Nielsen, lærari, Vestmanna, varalimur fyri Páll Isholm



–    Uni Næs, prestur, Fuglafjørður, varalimur fyri Kristu Hvannastein



–    Marita Dalsgaard, skúlastjóri, Glyvrar, varalimur fyri Eyðun Joensen



–    Hjørdis Háberg Petersen, avgreiðslufólk, Kollafjørður, varalimur fyri Miu Pedersen



–    Herluf Sørensen, framleiðsluleiðari, Tórshavn, varalimur fyri Dia Midjord