Sunnudagin 20. maj stongir svimjihøllin í Klaksvík.
Nú er komið upp undir land við umvælingunum í svimjihøllini og í hesum sambandi verður høllin stongd frá 20. maj og til junimánaða.
– Tá vit lata upp aftur verður fyrsta baðilandið í Føroyum tikið í nýtslu, við rutsjubana, vatnkanónum, vatnfossum og einum hornið av hylinum kunnu børn spæla sær í boblum.
– Fyri at geva ein serligan stemning hevur baðilandið innbygd undirvatns ljós sum geva ymiskar litir.
– Enn er ikki avgjørt júst hvønn dag vit lata upp aftur, men tað verður um hálvan juni, og vit fara sjálvandi at gera nógv burtur úr.
– Stórsta broytingini við tí sum er gjørt nú er at vit umframt nýggja baðilandið kunnu koyra við ymiskum temperaturum í hylunum.
– Við nýggju vatn og reinsiskipanini kunnu vit stýra hitanum í hvørjum hyli sær so sum brúkararnir ynskja tað.
Nýggir prísir
Torkil Mørkøre, leiðari í Svimjihøllini sigur at tá svimjihøllin letur upp aftur í summar verða nýggir prísir fyri svimjingina.
– Talan verður ikki um stórar príshækkingar, men fram til príshækkingina kunnu fólk keypa núverandi rabat kort sum eru 20 túrar.
