Í dag kl. 18 verður móttøka í býráðshøllini í samband við at Kristian Olsen frá Ægir setti nýtt FM met
Tíðindaskriv frá Býráðnum:
MÓTTØKA
Mánadagin 7. mai 2007 – kl 18.00 í Býráðshøllini
27. og 29. apríl setti Kristian Olsen – Ægir tvey FO-met í 100 m frí og 50 m frí. Metið í 50 m frí var 24,05 sek. og tað setti Heini Rasmussen 1 juli 1997.
Hesi síðstu 10 árini hava nógvir svimjarir roynt at sligið hetta metið, men ikki fyrr enn sunnudagin 29. apríl eydnaðist tað Kristiani at sláa metið – við tíðini 23.97 sek.
Kristian setti eisini nýtt FO-met í 100 m frí, tíðin hjá Kristian var 52,49 sek. og gamla metið sum Eivind Eysturoy átti var 52,94 sek. Sostatt var hetta metið sligið við ca. einum ½ sek. – sera flott svomið av Kong Kristiani!
Í hesum sambandi verður móttøka í Býráðshøllini í Klaksvík mánadagin 7. mai 2007 – kl 18.00.
Steinbjørn O. Jacobsen, borgarstjóri, umboð fyri SSF og Ægir halda røðu.
Okkurt lætt og leskiligt verður at fáa.
Klaksvíkar kommuna og Ægir
