www.klaksvik.fo skrivar, at trý fólk seinastu tíðina eru sett í starv í býráðsumsitingini.
Heimasíðan hjá Klaksvíkar Kommunu, www.klaksvik.fo, skrivar, at talan er um tríggjar kvinnur, sum júst eru settar í starv. Tvær teirra starvast á Sosialu Deild og tann triðja í Miðlan.
Hanna Thøgersen er sett í starv sum barnaansingarsamskipari hjá kommununi.
Anna Maria Joensen er sett í starv sum skrivari og málsviðgeri á Sosialu Deild.
Jensa Anthoniussen er sett í starv sum skrivstovukvinna í Miðlan, har hon tekur sær serliga av tekniskum avgreiðslum.
Í løtuni eru 25 starvsfólk í umsitingini hjá Klaksvíkar Kommunu.
