Skjótt í eitt mannaminni hevur Otto Joensen verið ímyndin av útiróðri við maskinbáti av Borðoyarvík, men nú orkaði báturin ikki meira.
"Kallanes" er drigin upp fyri seinastu ferð. Otto Joensen hevur avgjørt, at taka hann sundur, og helst endar tilfarið hjá IRF ella onkra aðrastaðni.
Helgi Danielsen tók myndina ímorgun, og tá vit soleiðis hissini spurdu Otto Joesen seinnapartin, um hann hevði keypt nýggjan bát, var svarið nei. Uppá fyrispurning okkara um hann fór at keypa bát, segði hann, at tað veldst um hugin.
