sigur Uni Næs, prestur í Fuglafirði og fyrrverandi valevni til Bisp.
– Eg má siga sum er at eg eri ikki sørt í tvístøðu, tí tað eru tveir av mínum bestu vinmonnum – sum standa fyri vali, sigur Uni Næs.
– Eg fari tí ikki at siga alment hvørjum eg stuðli – men eg havi tó gjørt upp við meg sjálvan hvør far mín stuðul.
– Eg haldi tó at stórsti vinnarin á valinum eru vit fimm valevnini og Fólkakirkjan – tí líkamikið hvør verður bispur, so er eingin ivi um at kirkjan er í góðum hondum.
– Eg vil eisini takka pressuni fyri tann áhuga, sum hon sýndi valinum, tí sum heild haldi eg at umtalan var sera positiv.
Ferðaleiðari til Ísrael
Jógvan Fríðrikson segði alment í útvarpinum at hann nú fer á frítíðarferð til Ísrael og sjálvur er Uni Næs ferðaleiðari.
– Hesin túrurin var fyrireikaður fyri langari tíð síðan – og hevur einki við Bispavalið at gera, sigur Uni sum tó ikki vildi útihýsa møguleikanum at teirbáðir Fríðrikson og hann fóru at umrøða vali á túrinum.
