Mjølnir-kvinnur taka seg upp eftir stigatalvuni í meistaradeildini og nærkast nú ovara enda.
Við tveimum sigrum á rað – 3-0 á TB fríggjadagin og 3-2 á KÍF leygardagin – tóku Mjølnir-kvinnur seg upp eftir stigatalvuni í meistaradeildini og nærkast nú ovara enda.
Eins og besta mansliðið hjá Mjølni er meginparturin av meistaradeildarliðnum hjá kvinnunum mannað við ungum leikarum.
Teir allar flestu leikararnir eru í aldrinum 16-20 ár og hava í yngru deildunum verið í oddinum í føroyskum flogbólti, so talan er um spælarar, sum hava evnir til eitt oddalið í meistaradeildini, tá ið tær hava ment seg í meistaradeildini.
Eitt so ungt lið hevur sjálvandi brúk fyri royndum spælarum, um liðið skal hava tann neyðuga stabilitetin og javnvágina, sum krevst í fremstu røð, og tað hevur kvinnuliðið hjá Mjølni eisini.
Tríggir royndir leikarar eru eisini á hesum liðnum, og eru tær: Anna Múller, Margit Joensen og Lena í Buð.
Venjari hjá Mjølnir-kvinnum er Marjun Kalsø.
Hjálparvenjari er Sigrid Andreasen.
