Eftir jóla- og nýggjárssteðgin skal fremsta liðið hjá Team Klaksvík í eldin aftur sunnudagin, tá ið leiðin liggur út á Skála at spæla ímóti StÍF.
Tað hevur ikki gingið rættiliga eftir vild hjá besta liðnum í Team Klaksvík í inniverandi landskapping.
Liðið hevur bert vunnið 2 av teimum higartil 9 spældu dystunum, meðan hinir 7 allir eru taptir.
Tó hevur liðið í seinastuni víst heldur frægari taktir, eitt nú í dystinum ímóti VÍF í badmintonhøllini í desember, sum Team Klakvík vann heili 41-21.
Síðsta dystin áðrenn jólafrítíðina spældi Team Klaksvík í Havn ímóti Kyndli, sum vann dystin sannførandi 34-23.
Tí er tað einki at taka seg aftur í, at Team Klaksvík í ár hevur nóg mikið at síggja til fyri at klára seg í kappingini.
Tað verður gjørt eitt stórt arbeiðið í hesum unga felagnum, men givið er, at tað framvegis er langt á mál upp á hægstu hondbóltstindar, og alt annað vildi eisini verið løgið, tí hetta felagið er sum sagt ógvuliga ungt.
Tað hevur gingið framúr væl higartil, og umráðandi er nú, at fremsta lið felagsins heldur sær í 1. deild.
Írestandi dystarskráin hjá Team Klaksvík í 1. deild er henda:
04.01.2009 17.30 Ítróttarhøllin á Skála StÍF – Team Klaksvík
11.01.2009 17.30 Høllin á Hálsi Kyndil – Team Klaksvík
18.01.2009 18.30 KÍ-Høllin Team Klaksvík – StÍF
25.01.2009 18.30 Klaksvíkar Badmintonhøll Team Klaksvík – H71
01.02.2009 17.30 Høllin í Vestmanna VÍF – Team Klaksvík
15.02.2009 18.30 KÍ-Høllin Team Klaksvík – Neistin
22.02.2009 18.30 Klaksvíkar Badmintonhøll Team Klaksvík – Kyndil
01.03.2009 17.30 Ítróttarhøllin á Skála StÍF – Team Klaksvík
08.03.2009 17.30 Hoyvíkshøllin H71 – Team Klaksvík
29.03.2009 18.30 Klaksvíkar Badmintonhøll Team Klaksvík – VÍF
04.04.2009 19.00 Høllin á Hálsi Neistin – Team Klaksvík
Støðan í 1. deild er henda:
Nr. Lið Dystir V.m. T.m. Munur Stig
1 Kyndil 9 255 219 36 16
2 H71 9 268 229 39 15
3 Neistin 9 302 278 24 8
4 StÍF 9 254 277 -23 8
5 Team Kl. 9 245 274 -29 4
6 VÍF 9 232 279 -47 3
