Leygardagin vunnu Mjølnir-kvinnur ein hugaligan sigur á Fleyr, sum tær undan hesum dystinum vóru javnar við á øðrumplássi við 14 stigum – nú er Mjølnir 6 stig frá oddaliðnum SÍ.
Úrslitið av dystinum var hetta:
Leygardagin 10. januar 2009 kl. 15:00
Fleyr – Mjølnir 1-3
1. sett: 25-18, tvs. 1-0
2. sett: 21-25, tvs. 1-1
3. sett: 12-25, tvs. 1-2
4. sett: 23-25, tvs. 1-3
Við hesum eru Mjølnir-kvinnur so smátt byrjaðar at nærkast oddaliðnum, SÍ, sum høvdu eina super byrjan upp á kappingarárið, men sum nú fyri stuttum taptu sín fyrsta dyst í hesum kappingarárinum.
Venjari hjá Mjølnir-kvinnum er Marjun Kalsø, og liðið er mannað við einari góðari blanding at ungum og royndum leikarum.
Ein annar dystur í EIK-liguni hjá kvinnum var leygardagin:
KÍF – ÍF 3-2 (17-25) (25-20) (25-17) (17-25) (15-12)
Ein ógvuliga javnur dystur, har javnbrótarin eisini var ógvuliga tepurt vunnin av KÍF, sum harvið vunnu dystin.
Støðan í EIK-liguni hjá kvinnum er nú henda:
1) SÍ 22 stig
2) Mjølnir 16 stig
3) Fleyr 14 stig
4) Dráttur 12 stig
5) ÍF 12 stig
6) KÍF 6 stig
7) TB 0 stig
