Í morgin, sunnudagin, fellir avgerðin í norðurlondsku stuttfilmakappingini REClimate.
Kappingin snýr seg um at gera ein stuttfilm, sum varpar ljós á veðurlagsbroytingar. Tveir føroyskir stuttfilmar eru við í kappingini.
Tilsamans eru 126 filmar tilmeldaðir kappingina. Filmarnir sum sleppa víðari til finaluna verða vístir á United Nations Climate Summit í Keypmannahavn í desember. Hesir finalistar verða funnir gjøgnum atkvøðu á heimasíðuni www.REClimate.net.
Teir føroysku filmarnir eita Burden og The Painting, ið eru ávíkavíst nummar 76 og nummar 109 á atkvøðugreiðsluni. Eisini ber til at síggja filmarnar á heimasíðuni www.REClimate.net.
