Barometrið er høgt í dag, og tað fer tað eftir øllum at døma eisini at vera næstu 5 dagarnar. Hátrýstveður er vanliga = gott veður.
Hyggjandi eftir veðurkortum fyri teir næstu 5 dagarnar sæst einki, sum broytir stórvegis upp á veðrið.
Hetta til middags sunnudagin fer vindferðin ikki upp um 5 m/s, og tað fer ikki at regna.
Ættin í dag, í morgin og fyrrapartin fríggjadagin er eystan ella landnyrðingur-eystan.
Seinnapartin fríggjadagin fer ættin niður í sunnan, og soleiðis verður eftir øllum at døma leygardagin eisini. Sunnudagin silvitni.
Hitin liggur um 8-9 stig í morgun. Væntandi fara hitamátarar at vísa nøkur stig meiri út á dagin í dag. Í vikuskiftinum fer tað at vera nøkur stig heitari.
Skýloftið fer at vera sera ymiskt í bygdum og býum kring landið restina av vikuni – alt velst um, hvussu ættin fer við sær á staðnum.
(jú, tað er stuttligari viðhvørt at skriva um veðrið…)
