Á fyrsta nevndarfundinum hjá hýruvognsnevndini í Klaksvíkar býráð varð full semja um at hýruvognar, ið keypa rúsdrekka fyri viðskiftafólk framyvir missa hýruvognsloyvi. Nevndin hevur skipað seg við Jóhann Lützen sum formanni og Kristian Eli Zachariasen og Atla S. Justinussen sum nevndarlimum.
Myndatekstur: Frá vinstru síggjast Eyðstein Poulsen, varalimur (A), Jóhann Lützen, formaður (E) og Kristian Eli Zachariasen, nevndarlimur (D)
Á fyrsta nevndarfundinum hjá hýruvognsnevndini í Klaksvíkar býráð varð full semja um at hýruvognar, ið keypa rúsdrekka fyri viðskiftafólk framyvir missa hýruvognsloyvi. Nevndin hevur skipað seg við Jóhann Lützen sum formanni og Kristian Eli Zachariasen og Atla S. Justinussen sum nevndarlimum.
Hýruvognsnevndin er ein av smærri nevndunum hjá Klaksvíkar býráð. Nevndin tekur sær av hýruvognsvinnuni í Klaksvíkar kommunu. Á fyrsta nevndarfundinum 27. Februar 2013 skipaði nevndin seg við Jóhann Lützen sum formanni og Kristian Eli Zachariasen og Atla S. Justinussen sum nevndarlimum. Eyðstein Poulsen luttók sum varalimur fyri Atla S. Justinussen.
– Nevndin er gjørd varug við at rúsdrekkakoyring fyri fólk er ein vaksandi trupulleiki og hetta vilja vit gera nakað við, sigur Jóhann Lützen nývaldur formaður fyri Hýruvognsnevndina.
– Vit ætla eisini at fáa skipað hýruvognskoyringina betur tá størri tiltøk eru í kommununi, eitt nú á Summarfestivalinum og tá størri ferðamannaskip vitja, leggur Jóhann Lützen aftrat.
