Í morgin, páskaaftan, fellur avgerðin, hvør verður unglingaføroyameistari 2013, har tað stendur ímillum Eli W. Finnson og Janus Skaale, sum undan finaludegnum liggur ½ stig framman fyri kappingarneytan.
Í morgin, páskaaftan, fellur avgerðin, hvør verður unglingaføroyameistari 2013, har tað stendur ímillum Eli W. Finnson og Janus Skaale, sum undan finaludegnum liggur ½ stig framman fyri kappingarneytan.
Páskaaftan fellur avgerðin, um tað verður navnið Janus Skaale ella Eli W. Finnson, ið skal leggjast aftrat nøvnunum á teimum, sum higartil hava vunnið føroyameistaraheitið fyri unglingar.
Her sigur søgan millum annað frá, at niðanfyri standandi persónar hava vunnið hetta fræga heitið:
1993: Tummas Martin Sólsker
1994: Finnbjørn Vang
2002: Rógvi Mortensen
2003: Rani Baldursson
2004: Helgi Dam Ziska
2005: Rógvi Dragaberg
2006: Rógvi Egilstoft Nielsen
2007: Hjalti Toftum Jógvansson
2008: Herborg Hansen
2009: Heiðrikkur T. Jacobsen
2010: Sára Traber Olsen
2011: Silas Eyðsteinsson
2012: Rúni T. Jacobsen
Støðan áðrenn seinasta umfar – Unglingabólkurin:
1 Skaale Janus 5.5
2 Finnson Eli W. 5.0
3 Bertholdsen Bjarki 4.0
4 Weihe Ragnar 3.5
5 Fjallheim Áron Reinert 3.0
6 Fjallheim Leif Reinert 2.0
7 Jacobsen Mikkjal A. 1.0
8 Fjallheim Benjamin Reinert 0.0
Sostatt eru tað nú bert Janus og Eli, ið kunnu vinna føroyameistaraheitið.
Um Eli vinnur sítt talv, sum er ímóti Ragnar Weihe, má Janus eisini vinna sítt talv ímóti liðfelaganum í Klaksvíkar Talvfelag, Bjarka Bertholdsen, um hann skal vinna FM uttan umdyst.
Ein javnleikur millum klaksvíkingarnar vil hinvegin gera tað neyðugt við umdysti um føroyameistaraheitið millum Janus og Eli, um altso Eli megnar at vinna á Ragnari Weihe.
Alt verður avgjørt páskaaftan, 30. mars 2013, í Argja Skúla, har telvararnir í unglingabólkinum møtast soleiðis í seinasta umfari í FM-kappingini, sum byrjar fyrrapartin kl. 10.00:
Benjamin Reinert Fjallheim – Áron Reinert Fjallheim
Leif Reinert Fjallheim – Mikkjal A. Jacobsen
Janus Skaale – Bjarki Bertholdsen
Eli W. Finnson – Ragnar Weihe
Jú, spenningurin er sera stórur.
