50 ár síðani tey fóru í 1. flokk í Klaksvíkar Skúla

Skriva hevur:

Oliver Joensen

24/04/2013 – 20:03

Nakrir av næmingunum, sum fóru í skúla tá, hava tikið seg saman at fyrireika eitt hátíðarkent kvøld, har næmingarnir aftur hittast. Tey hava sent Norðlýsinum tíðindaskriv, sum vi prenta niðanfyri. Eisini kunngera vit nøvnini á næmingunum og nakrar myndir, sum Jens hjá Tofta-Karl hevur sent við.

Fyri 50 árum síðani fóru stórt hundrað næmingar í Klakksvíkar skúla – 18 august 1963.

Nú eina hálva øld aftaná ætla somu næmingar at hittast aftur.

Hetta er lættari sagt enn gjørt, tí hesir næmingar eru spjaddur út um alla verðina.

Fyrireikingarfundir hava verið hildnir á bakarínum hjá Jóruni uppi á Borðoyavík og dagurin er ásettur til Leygardagin, tann 20 juli 2013.

Ein Facebook bólkur, ið kallast Klaksvíkar Skúli 1963 abcd er gjørdur. Har kann fylgjast við gongdini.

Longu nú vita vit frá fleiri, ið koma uttanlands at luttaka í tiltakinum.

Ætlanin er at hava dagin líka sum í tveimum. Ein óformliga og ein meira hátíðarkenda part um kvøldið.

Vit møtast í Skúlagarðinum til eina felagsmynd. Síðani verður fari í flokkshølini har tosað verður um gamlar dagar, møguliga syngja morgunsang, minnast stuttligar hendingar, hyggja eftir myndum, sum javnaldrarnir hava lagt sær á geymil (USB-stick) Um skúlastovurnar hava “interaktivar talvur”, so kunnu øll síggja myndirnar í senn. Kanska onkur fær inspiratión til at fortelja “onkra góða” tá vit møtast um kvøldið.

Klokkan 1600 fara ein gongutúr, kanska “út í Grøv”

Frá umleið kl. 1700 verður ein steðgur til…

kl. 1900 tá vit samlast i Tekniska skúla til eitt hugnaligt kvøld. Har verður borðreitt við ymsum góðum. Skemt og felagssangur við bæði guitar og harmonikku.

Í einum so stórum flokki, eru tíverri nøkur, ið ikki eru millum okkum meira, men undirtøkan sær út til at vera stór. Flestu búgva í Klaksvík, men fleiri eru, sum búleikast runt knøttin.

Við tað at ikki øll brúka alnótina (Internetið) og/ella Facebook royna vit at fáa boðskapin gjøgnum okkara lokala blað Norðlýsið, so skyldfólk kunnu hjálpa til at náa teimum, ið ikki eru teldutøk.

Vegna fyrireikararnir,

Jens hjá Tofta-Karl.

Næmingar í Klaksvíkar Skúla

Flokkur 1. A:

1. Abrahamsen, Harry

2. Askham, Tummas

3. Baldvisnson, Benedikt (Benn)

4. Frederiksen, Dánial

5. Hansen, Finn

6. Jacobsen, Jóhan Amaliel

7. Johannesen, Jákup Birgir

8. Mørkøre, Birgir