Í morgun kunngerð danska Fiskimálaráðið eina uppgerð sum vísir at í 2013 fekk donsk fiskivinna 853 mió. kr. í stuðli úr ES. Samstundis kunngerð danska stjórnin ein lista yvir hvørjar fyritøkur hava fingið stuðul. Umframt ES stuðulin lat Danski staturin 1 mia. kr. í stuðuli til donsku fiskivinnuna í 2013.
Í morgun kunngerð danska Fiskimálaráðið eina uppgerð sum vísir at í 2013 fekk donsk fiskivinna 853 mió. kr. í stuðli úr ES. Samstundis kunngerð danska stjórnin ein lista yvir hvørjar fyritøkur hava fingið stuðul. Umframt ES stuðulin lat Danski staturin 1 mia. kr. í stuðuli til donsku fiskivinnuna í 2013.
”De Europæiske Fællesskabers Domstol (EF-Domstolen) har afgjort, at offentliggørelsen kun skal omfatte juridiske personer. Privatpersoner er derfor ikke omfattet af offentliggørelsen.
Således offentliggør vi i dag ca. 66% af navnene på dem, der modtager fiskeristøtten”, skrivar danska fiskimálaráðið og meira kann lesast her.
Danska Landbúnaðar- og fiskimálaráðið boðaði fyri kortum frá at avtala er gjørd við ES um 8,9 mia. í stuðli til danska landbúnaðin fram til 2020. Boðað verður samstundis frá at avtalan við ES sum kemur at geva donsku fiskivinnuni aðrar mia. í stuðli frá ES og donskum grunnum verður undirskrivað í juni mánaða. Danska fiskivinnan fekk tilsamans 1,8 mia. kr í almennum stuðli í 2013 harav 853 mió. komu úr ES.
Tað er tanka vekjandi at í Føroyum er stuðul úr Danmark og stuðul til fiskivinnuna vorið eitt bann orð har flokkar hinvegin eru farnir at kappast um at at áleggja vinnuni tilfeingis gjald so politiska skipanin sjálv kann sleppa at ”bíta ella umfordeila” yvirskoti frá vinnuni har politiska skipanin heldur tað geva mestu nyttuna. Og vit vita øll at tað er serliga miðjan í landinum sum kemur at heysta ágóðan av tilfeingisgjaldinum.
Umframt at Føroysk vinna er fráskorðin stuðli úr ES hevur løgtingið avtikið allar stuðulsskipanir fyri fiskivinnuna hóast stórur partur av heimaflotanum er í kreppu. Samstundis sum ES boðar frá einum milliardapakka í stuðul til fiskivinnuna í ES arbeiða partar av politisku skipanini áhaldandi fyri at hækka tilfeingisgjaldi á vinnuna og enntá at gera eina skipan har føroysk reiðarí gjøgnum eina sokallaða uppboðsølu skulu kappbjóða innhýsis í Føroyum fyri at sleppa til fiskiskap. Samstundis sum allar hesar byrðar verða lagdar á – skulu føroyskar fiskavørur kappast á ES- og altjóða marknaðum við fiskavørur framleiddar við ES og nationalum stuðli.
Stuðulin til donsku vinnuna skal m.a. brúkast til at skapa nýggj arbeiðspláss og at marknaðarføra danskar fiskavørur – sum m.a. kappast við føroysku fiskaframleiðslu.
