Sjónám hevur opið hús á Sjómannadegnum leygardagin
Sjónám liggur á økinum, har Sjómannadagurin í ár verður hildin. Sjónám hevur opið frá kl. 14.00 til kl. 18.00. Ætlanin er at avmarka økið soleiðis, at økið umfatar høllina, har hylurin er.
Har er ein gummibjargingarbátur til 16 fólk og persónlig bjargingarútgerð at vísa fram.
Umframt hetta hevur Sjónám ein tyrlusimulator, ið verður brúktur skeið innan ríming við tyrlum. Eisini hava teir eina sokallaða “chute,” ið er partur av eini rímingarskipan við gummibjargingarbátum umborð á skipum. So møguleiki er at vísa vitjandi, hvussu hendan útgerðin virkar o.s.fr.
