Fráboðaða illveðrið er ávegis. Tað tók eitt sindur longri tíð at koma heilt til okkara, enn veðurstovurnar høvdu mett av fyrstan tíð.Í løtuni er depilin í lágtrýstinum vestan fyri Mykines.
Fráboðaða illveðrið er ávegis. Tað tók eitt sindur longri tíð at koma heilt til okkara, enn veðurstovurnar høvdu mett av fyrstan tíð.
Í løtuni er depilin í lágtrýstinum vestan fyri Mykines. Trýstið er komið niður í 938 hPa – bert fá hPa hægri trýst enn Jólaódnin í 1988. Lágtrýstið fer at flyta seg í landnyrðing. Vindurin fer at veksa um alt landið. í Suðuroy er vindurin vorðin nógvur. Heimasíða Landsverks sigur frá hvirlum upp í 30 m/s um alla oynna.
Tað er ikki óvanligt, at ferðin er ójøvn, hvussu skjótt lágtrýstini flyta seg. Hetta lágtrýstið hevur flutt seg við fullari ferð í gjár, men tað hevur staðið stilt í ein góða løtu í morgun.
Tað verður so brádliga, at allar Føroyar fara at merkja tað ringa veðrið. Byrjandi sunnanfyri fer tað at flyta seg norðureftir.
Ilt er í løtuni at siga, hvussu leingi veðrið herjar, men ein meting er, at eina ferð seint seinnapartin fer at minka.
